喰楽

营业中

休息中

几年冇去过日本，好挂住日本烧肉店，除咗有高质嘅食材，仲有著和服嘅店员专人服务每一枱客人，服务非常周到。好彩香港都有唔少正宗嘅烧肉店，今日再去咗观塘骆驼漆大厦呢间喰楽回味一下。我同朋友叫咗B 餐日本餐A5和牛，贪佢包含最多牛嘅部位，唔少仲系平日少见，可以满足牛肉爱好者嘅口腹。野菜拼盘：有皇帝菜、洋葱、豆腐、金菇、大白菜、萝卜同芋丝。师傅会菜肉菜肉咁间住上菜，保持口感新鲜。三式前菜：和牛饺子，好重牛肉味，而且咬落啖啖肉汁，感觉有啲似小笼包。柚子大根，味道酸酸地，清新开胃。拖罗和牛饭团，吞拿鱼肉同生牛肉意外地好夹，带出唔同嘅鲜味。随餐附上日本鸡蛋同白饭配牛肉一齐食，鸡蛋可以生食，我就习惯将煮熟嘅牛肉点一点蛋酱，既可降温，又可以沾上浓浓嘅蛋香。师傅首先用牛嘅脂肪烧热个锅，烧嘅时候会加入自家制烧汁，味道比日本餐厅嘅淡啲，配合香港人口味，亦都健康啲。传统日本烧肉会加砂糖，所以餐厅亦系烧汁加咗糖，令煮出嚟嘅牛肉同蔬菜都带有甜味。肉眼部分，比较常见 ，油脂感最重，师傅仲落咗盐调味。上肩理脊肉，牛味较肉眼香，包住葱食味道都唔会被盖过。上肩肉，牛味多，系咁多个部分入面最能够balance到牛味同油脂，肉质