菊月町 (已搬遷) 新店位置

朋友升职，带我黎观塘食好野，好耐冇食过咁正既日本野喇。前菜胡麻酱冷奴调味清新开胃。五款刺身有间八、𫚕鱼腩、带子、金目鲷同拖罗，味道由淡至浓。 好欣赏刺身品种都几矜贵，性价比好高。 印象最深系火炙𫚕鱼腩，平时好少食到，估唔到油脂丰富，比拖罗更甘香。铁板烧鲍鱼同金鲷同想像中一样咁有镬气，鲍鱼熟度岩岩好，仲难得食到好惹味既内脏，做成寿司一试难忘。 金鲷连鱼鳞食，脆卜卜好香口。目张、曹以同鲂𫚒寿司闻所未闻，但够新鲜就好食，入口清甜。象拔蚌同海胆味道较突出，前者弹牙，后者甘香，以此价位真系超值。拖罗手卷一咬就感觉到好多鱼油，岩哂重口味既我。 馅料都好足，拖罗蓉仲多过饭，十分满足。