Add Some Thai Restaurant

营业中

休息中

早排同屋企人去咗观塘，行到肚饿，就决定揾个餐厅填肚。𠮶日屋企人就想食泰国嘢，上网见到呢间叫做Add Some Thai restaurants 嘅餐厅，我之前有食过一次，但唔系同屋企人食，所以就决定带佢去食。我哋拣咗几款唔同嘢食！首先，系黄咖喱咸蛋软壳蟹（三只）配蒜蓉包。黄咖喱嘅香辣味同埋咸蛋嘅浓郁味道配埋脆炸嘅软壳蟹，真系好正！仲有蒜蓉包，可以沾住酱汁，咬落去酥脆香口，一流！食泰国嘢真系食好多重口味嘅嘢㗎啦，饮返杯泰皇椰青鸡汤，清甜得嚟又可以解解火。呢个汤系好特别嘅组合，鲜甜嘅椰青汤底配埋滑嫩嘅鸡肉，令人舒服又开胃。真系一碗滋味鲜美嘅汤！嗌咗A.S.T 小食拼盘，令我哋有机会尝到唔同嘅泰国小食。我哋另外仲有嗌炒得好惹味嘅马拉盏炒通菜，又有烧得恰到好处嘅香烧疲萝串，十分香甜。最后，饮杯涷泰式奶茶，就完美嘅一餐啦！呢杯奶茶香浓滑顺，甜度啱啱好，好解渴又好开心。Add Some Thai restaurant 真系一间值得试嘅泰国餐厅。佢哋嘅黄咖喱咸蛋软壳蟹、泰皇椰青鸡汤同埋A.S.T 小食拼盘都系绝对必要之选！下次再去观塘，又食泰国嘢嘅时候一定会食返呢一间。