德美壽司 (裕民坊YM²)

营业中

休息中

裕民坊商场上面食肆林立，今日去呢间系连锁嘅日式餐厅，原来menu都有好多选择～我叫咗个鱼生丼，老细就食咖哩吉列猪扒饭定食。德美海胆鱼生丼：上枱份量十足！！刺身非常新鲜，有油甘鱼、三文鱼、带子、海胆、三文鱼子同蟹子，但系佢系熟虾唔系生虾，呢个比较特别~而且仲有一件烧玉子，除咗刺身之外，我要赞佢嘅醋饭～调味非常之好！！😋就算唔配鱼生净食白饭都好好味😋👍🏻咖哩吉列猪扒饭定食：个咖哩汁好香～仲有一只温泉蛋🥚吉列猪扒外皮酥脆，粉浆唔会太厚身，而且仲有肉汁添！！杂锦天妇罗：因为老细想食天妇罗虾，我就想食炸南瓜，咁而家就一次过满足晒两个愿望啦！！全部都炸得好香脆，绝对唔会油腻～粉浆唔太厚～薄薄一层…师傅功夫到家！！黑豚肉炒野菜：除咗椰菜同木鱼丝，啲黑豚肉好用心咁烧过～所以有啲焦香嘅味道～估唔到仲有豆腐件～而且份量非常大碟！！唔想饮汽水，我叫咗巨峰提子乳酸梳打，酸酸甜甜，配刺身都好夹！