啡奴

营业中

休息中

约咗朋友食早餐，拣咗黎观塘呢间一直想试嘅cafe。早餐由08:00到11:15，有5个款早餐，可以半价配饮品。我地拣咗一份all day breakfast，一份吞拿鱼沙律牛角包，两位都加$20加烟三文鱼，另外叫咗两杯小见啲嘅啡 : 红豆latte同姜斋啡。Mini all day+smoke salmon & 吞拿鱼沙律牛角包+smoke salmon 其实份all day breakfast同牛角包都系基本野，味道正正常常，都系心目中嘅野。Iced red bean coffee latte红豆latte都系因为有趣而叫。Iced ginger black佢有得拣加奶或者斋啡，我拣咗唔落奶。一开头饮落冇乜特别，姜味后其先出，有啲似姜糖嘅味，我个人唔系好受得啲姜味，呢杯觉得比例啱啱好，有个味但唔会辣口唔会太刺激。Cafe以水泥装修为主，环境几好坐，好阔落有空间感，我地唔觉意就由早餐坐到差唔多lunch hour。当日Lunch hour都full house，当多人叫主食嘅时候，厨房嘅油烟味就散晒出黎，系有啲影响。