影片
更多
2024-09-18
6983 浏览
中秋节同屋企人食饭又去观塘食私房菜 (第三间了)😂预先经openrice book位，之后有专人whatsapp菜单详情俾我有套餐选择或散叫项目费事麻烦，拣咗6位 $2688套餐🙈套餐入面都仲可以拣，好flexible《前菜》摆盘精致，用日式木盘▶️ 本地水耕沙律菜伴芝麻酱将生菜同青瓜打成一个结，配上深煎芝麻酱同少少山葵，成件事好日式▶️ 荣哥自家甜酸齌 凉伴黑白木耳甜酸齌由面筋整成，索入酸甜酱汁凉伴黑白木耳口感爽脆，带少少麻油味第一次见白色木耳🤍▶️ 茶熏流心蛋伴黑鱼子酱配厚切茄子茶熏流心蛋味道淡啲，不过蛋黄晶凝剔透成浆状🥚厚切茄子特别🍆上面有啲粉粉地嘅嘢，下面系甜黑鱼子酱，层次丰富《足料炖汤》每人可以自选一款，唔洗「跟大队」▶️ 原盅炖川贝陈皮海底椰鳄鱼肉汤▶️ 原盅炖姬松茸淮山甘荀黑毛豚肉汤▶️ 原盅药膳龙趸骨鲜淮山汤▶️ 原盅炖哈蜜瓜螺头黑毛豚肉汤我拣咗呢款，材料好足有熟哈密瓜🍈龙眼、黑毛豚脊骨、淮山上枱热辣辣，饮落清甜黑毛豚脊骨好多肉😍似食紧清炖spare ribs《主菜》▶️ 黑松露酱炒花尾趸斑球配鲜露笋花尾趸斑球大大块🐟肉质实正唔松散味道新鲜，配上浓浓黑松露香配菜有香菇同大量粗身露笋，咬
又去观塘食私房菜 (第三间了)😂
预先经openrice book位，之后有专人whatsapp菜单详情俾我
有套餐选择或散叫项目
费事麻烦，拣咗6位 $2688套餐🙈
套餐入面都仲可以拣，好flexible
《前菜》
摆盘精致，用日式木盘
▶️ 本地水耕沙律菜伴芝麻酱
将生菜同青瓜打成一个结，配上深煎芝麻酱同少少山葵，成件事好日式
▶️ 荣哥自家甜酸齌 凉伴黑白木耳
甜酸齌由面筋整成，索入酸甜酱汁
凉伴黑白木耳口感爽脆，带少少麻油味
第一次见白色木耳🤍
▶️ 茶熏流心蛋伴黑鱼子酱配厚切茄子
茶熏流心蛋味道淡啲，不过蛋黄晶凝剔透成浆状🥚
厚切茄子特别🍆上面有啲粉粉地嘅嘢，下面系甜黑鱼子酱，层次丰富
前菜
5611 浏览
2 赞好
0 留言
《足料炖汤》
每人可以自选一款，唔洗「跟大队」
▶️ 原盅炖川贝陈皮海底椰鳄鱼肉汤
▶️ 原盅炖姬松茸淮山甘荀黑毛豚肉汤
▶️ 原盅药膳龙趸骨鲜淮山汤
▶️ 原盅炖哈蜜瓜螺头黑毛豚肉汤
我拣咗呢款，材料好足
有熟哈密瓜🍈龙眼、黑毛豚脊骨、淮山
上枱热辣辣，饮落清甜
黑毛豚脊骨好多肉😍似食紧清炖spare ribs
原盅炖哈蜜瓜螺头黑毛豚肉汤
3636 浏览
1 赞好
0 留言
《主菜》
▶️ 黑松露酱炒花尾趸斑球配鲜露笋
花尾趸斑球大大块🐟肉质实正唔松散
味道新鲜，配上浓浓黑松露香
配菜有香菇同大量粗身露笋，咬落清脆
黑松露酱炒花尾趸斑球配鲜露笋
1405 浏览
0 赞好
0 留言
▶️ 金流黄沙献大虎虾
卖相好澎湃🤯按人头计每人一只
底部系薯蓉，薯仔味重🥔入口幼滑，面头焗到㶶㶶哋，好香脆😍
大虎虾巨型到成条龙虾咁🦐肉质爽弹
外壳布满流沙咸蛋黄，劲惹味
连壳食都得，好似软壳蟹
屋企人最钟意呢度𩠌！
金流黄沙献大虎虾
1602 浏览
3 赞好
0 留言
▶️ 酱烧爽厚豚颊肉配柳丁汁青木瓜丝
青木瓜丝用柳丁汁浸泡，加入柠檬汁，食落酸酸甜甜带果味，好开胃😮
厚豚颊肉用酱烧汁调味，经过慢烤
肉质粉嫩，口感似猪颈肉咁爽弹🐷
菜式带有东南亚风味🇹🇭非一般猪扒
酱烧爽厚豚颊肉配柳丁汁青木瓜丝
1042 浏览
1 赞好
0 留言
▶️ 奶油日本小南瓜面包盒
好似人哋泰式咖喱包咁，超正正方方靓仔🍞
日本小南瓜切条，又蓉又甜😍
伴入草菇同三色椒，食食吓觉得好似食紧pizza🍕
酱汁由南瓜同忌廉整成，似西餐南瓜汤
同面包好夹🎃食落冇咁干
个面包劲好食！外皮烘焗到香脆，入面松软烟韧又索汁
系我最钟意嘅菜式，出边冇机会食到～
可惜真系好大份同饱饱地，食唔晒又打包唔走🥺
奶油日本小南瓜面包盒
818 浏览
1 赞好
0 留言
▶️ 招牌茶王熏鸡
佢哋招牌菜之一，多肉少骨
外皮薄脆🍵带茶叶烟熏香
肉质鲜嫩滑捋捋，同时附有鸡油
虽然起咁多道菜式入面相对冇咁惊艳，但称得上好食🐔
招牌茶王熏鸡
2950 浏览
0 赞好
0 留言
▶️ 有机时令鲜蔬（鱼汤)
时令鲜蔬系菠菜，翠绿新鲜🥬
上面有杞子，鱼汤清淡
味道较普通，胜在健康
有机时令鲜蔬（鱼汤)
702 浏览
0 赞好
0 留言
▶️ 大红大紫炒饭配日本樱花虾
第一次见又红又紫嘅炒饭💜
颜色来自红菜头，少女心爆发
配料主要系紫薯粒，少见嘅配搭🍠健康得来又好食
炒得干身唔油腻👍🏻面头有脆脆嘅日本樱花虾
虽然大家食到尾都已经好饱，但最后只剩返少少🤣好劲
大红大紫炒饭配日本樱花虾
677 浏览
0 赞好
0 留言
《时令甜品》
唔好睇小细细一个甜品，一样咁多功夫
外面系剔透嘅桂花啫喱，入面系白雪雪奶冻
淡淡桂花味配上牛奶香🥛
唔甜且满足到甜品口瘾
时令甜品
2924 浏览
0 赞好
0 留言
-
系一个较fusion私房菜，唔净止得中式元素
又日式又有东南亚风味
由前菜到甜品都好有惊喜🎖️无可挑剔
最钟意系「奶油日本小南瓜面包盒」同「金流黄沙献大虎虾」
卖相精致，近乎Fine Dining
份量好足，食到超饱🤰🏻最后打包咗薯蓉同少少炒饭
环境以私房菜嚟讲舒服企理，俾咗间房我哋，有私隐度又阔落
地理位置方便，观塘站D4出口行几分钟就到
服务ok，上菜有次序且快手，差唔多一次过上晒主菜，唔需要等
性价比唔错，计埋服务费，平均$450/人
免三支酒水费亦冇切饼费，适合嚟开party🍷
中秋节仲有每位减$50优惠，满$2400再送张$50超市礼券
非常高质嘅私房菜😌屋企人全部都大赞好食，我自己都有意外惊喜
除咗我哋都仲有三四台客，推介大家同朋友话屋企人过节嚟试～
张贴
