麒藝館 (已結業)

约了重要客人食饭，要揾一个环境唔太差但价钱又唔好太贵的地方，记得上次来铜锣湾食过此餐厅无论服务同食物都唔错，所以便带个客来食。呢度装修格调高级又有品味，周围都系水墨画，啲水墨画好似仲系大厨的作品。之前的商务午餐好似取消了，好在做紧另一个推广，超值孖宝，性价比真系高。$68便有一个原只鲍鱼花胶挞及一碟饱汁花胶捞饭。为了不失礼，另加点一只原只鲍鱼花胶摓（$48），饱鱼喂的好入味，饱鱼亦炆得好淋，摓底松脆，软硬口感一齐食。即烧无花果天下第一猪仍然有水准，皮脆肉嫩，最难得是无花果酱，令猪肉食落更有层次，咸中有甜由带甘香。日山和牛红菜头煎包其实有少少辣，馅料应该是黑椒和牛，包面煎得干身又有少少脆。饱汁花胶捞饭的花胶都几多，饱汁好香浓又唔会太咸，捞饭一流。迷你花胶糯米鸡水准都合格。