HOW Food Factory (已結業)

之前有同事介绍过有间上楼嘅cafe 餐厅话呢间餐厅环境同食物质素都唔错，所以就想上去试吓。入到去间餐厅都几大下我估都有成千呎，呢间野其实本身应该系室内设计公司佢自己拎埋公司嘅外边做餐厅Cafe所以里面有好多家私卖，感觉好文青feel。蜜糖栗子烤无骨鸭，烧莲藕，烧椰菜花，每个餐都会配有沙律同餐汤，餐汤系南瓜汤里面有好多南瓜蓉，饮落去南瓜味好浓郁好好饮。个无骨鸭烤得唔错，肉唔会鞋，而且份量都几大，啖啖肉。另外，配菜拣得一啲都唔马虎，栗子、莲藕、椰菜花同个无骨鸭都好配，整体感觉好有特色，味道不错。慢煮厚切日本四元豚肉，薯蓉，肉桂苹果，呢个系餐厅推介，豚肉好厚切，成块豚肉脂肪同肉嘅比例刚刚好，慢煮既豚肉果然口感好腍，肉质好鲜嫩，加埋薯蓉食落去好夹，味道一流。今次嚟到呢间餐厅果然冇介绍错，不过我个人黎讲觉得贵咗少少，但一样都会介绍俾朋友去食。