醉桃園

营业中

休息中

啱啱喺日本返嚟，好挂住香港打边炉，第二晚即刻同屋企去食！先拣汤底，特浓莞荽控皮蛋锅，莞荽控真系必试，一开锅见到成碗绿色嘅汤底，好夸张！莞荽同皮蛋煮到好入味，侍应姐姐亦会系开始之前斟碗汤畀大家试下原味。等食之前先叫个牛油果鲜虾春卷，牛油果令到春卷更滑，感觉都健康啲。打边炉当要有肉，我哋拣咗纽西兰羊肉片同美国黑豚肉，两者都肉色鲜嫩，油脂分布均匀，食落味道浓郁。手打墨鱼丸，咬落烟烟韧韧，非常出色。花雕牛肉丸，入面有花雕酒，一啖咬落去就会爆出嚟，绝对系一个令人惊喜嘅组合。黑松露鲜虾饺，每一口都有香浓黑松露嘅味道，真系令人回味无穷。水饺皮薄滑，鲜虾馅又足料，绝对值得一试。另外叫咗油麦菜、唐生菜、灵芝菇、山水滑豆腐，味道清新又健康。最后叫咗金箔燕窝蛋白炖奶做甜品，大大块金箔，感觉好奢华，炖奶亦好滑好滋润。餐厅气氛好好，适合一家大细嚟食。环境布置得好中式，啲餐具全部好精致，仲提供大量调味料选择。