影片
更多
2023-06-02
1395 浏览
夏日热辣辣真系唔想食热野🌞食返个寿司丼饭就差唔多～呢间系观塘工业大厦楼上舖，专卖多款刺身丼饭，多数做外卖但亦有堂食位▶️ 北海帆立海老丼 ($168)有帆立贝、牡丹虾、赤虾、甜虾、三文鱼籽、蟹籽，啱晒钟意食虾人士☺️每碗有一嚿印有店名嘅玉子蛋，玉子蛋厚身一层层，食落水润重蛋味🥚甜味自然帆立贝有三粒，每粒切半反开形成薄片，炙烧过所以面头黑黑哋🔥肉质鲜嫩，味道鲜甜带啲烟熏味唔知点解好似食到两款虾？两个食落都好黏身(slimy)， 同平时食开嘅虾非常之唔同，口感偏细绵，比起帆立贝更鲜甜🦐虾头仲有虾膏，带少少腥味但唔臭，证明好新鲜三文鱼籽虽然唔多，但每粒入口即爆汁好似爆珠咁，充满三文鱼油香味，可以补充omega-3，劲过营养补充品😂蟹籽细细粒，令寿司饭食落冇咁寡寿司饭暖暖地感觉唔生冷，加咗少许寿司醋🍚用上日本产米所以饭质黏身又有咬口上面仲有青柠，酸酸地带啲清新味道又可以去腥味另外可以自己落豉油，呢度啲豉油比较稀，味道偏淡，所以落多啲都唔惊试咗少少Wasabi，超攻鼻但几爽😌▶️ 渔吉特选丼 ($188)如果大家有选择困难症，可以叫呢个大部份刺身都有：三文鱼、油甘鱼、樱花鱿鱼、赤虾、左口鱼、帆立贝、三
呢间系观塘工业大厦楼上舖，专卖多款刺身丼饭，多数做外卖但亦有堂食位
▶️ 北海帆立海老丼 ($168)
有帆立贝、牡丹虾、赤虾、甜虾、三文鱼籽、蟹籽，啱晒钟意食虾人士☺️
每碗有一嚿印有店名嘅玉子蛋，玉子蛋厚身一层层，食落水润重蛋味🥚甜味自然
帆立贝有三粒，每粒切半反开形成薄片，炙烧过所以面头黑黑哋🔥肉质鲜嫩，味道鲜甜带啲烟熏味
唔知点解好似食到两款虾？
两个食落都好黏身(slimy)， 同平时食开嘅虾非常之唔同，口感偏细绵，比起帆立贝更鲜甜🦐虾头仲有虾膏，带少少腥味但唔臭，证明好新鲜
三文鱼籽虽然唔多，但每粒入口即爆汁好似爆珠咁，充满三文鱼油香味，可以补充omega-3，劲过营养补充品😂
蟹籽细细粒，令寿司饭食落冇咁寡
寿司饭暖暖地感觉唔生冷，加咗少许寿司醋🍚用上日本产米所以饭质黏身又有咬口
上面仲有青柠，酸酸地带啲清新味道又可以去腥味
另外可以自己落豉油，呢度啲豉油比较稀，味道偏淡，所以落多啲都唔惊
试咗少少Wasabi，超攻鼻但几爽😌
北海帆立海老丼
$168
82 浏览
1 赞好
0 留言
▶️ 渔吉特选丼 ($188)
如果大家有选择困难症，可以叫呢个
大部份刺身都有：三文鱼、油甘鱼、樱花鱿鱼、赤虾、左口鱼、帆立贝、三文鱼籽、玉子蛋 (今日冇晒鲍鱼同海胆，所以厨房换咗另一啲刺身俾我哋)，相当丰富😍
朋友话全部刺身都好新鲜，鱼类刺身整体唔错，只系间唔时有啲位会硬啲
而佢最钟意系玉子蛋haha
-
全部丼饭用料新鲜，材料丰富，感觉好耐冇食过一啲靓少少嘅刺身饭🙈
入边座位唔算多，但坐得舒服😌用上木枱木凳日式家庭风装修，好有住家feel
茶水自助，唔收加一，食完自己收盘
无意间留意到佢哋有同重光弁当合作，所以唔食鱼生可以叫佢哋嘅日式便当，好啱返Office嘅人买外卖
刺身饭价钱比较贵，但对得住呢个质素同份量👍🏻
去唔到日本但想食靓刺身饭可以嚟呢度止瘾🤣
张贴
