TORIO喫茶部 (已結業)

观塘呢个地方真系令人又爱又恨, 虽然返工放工十分之多人, 不过实在有好多好靓嘅餐厅可以食饭。喺街边抬头向上望, 就见到呢间舖头喇, 所以决定上去睇吓。一推开门就觉得环境好靓, 比人一种日式嘅感觉。如果钟意打卡的话🤳🏼, 呢间餐厅有好多地方都可以影相。座位阔落同舒适, 而包厢嘅座位就好特别。🍴Torio 招牌之青苹红茶咖哩饭(吉列猪扒)非常丰富, 除咗咖哩饭同吉列猪扒, 仲配有沙律, 薯蓉同哈蜜瓜。吉列猪扒好松脆, 唔会干争争。咖哩系日式甜咖哩, 送饭真系好好食。🍴传统黑松露巴马火腿野菌意大利面黑松露同巴马火腿嘅味道都几夹, 大家都唔会盖过对方嘅味道, 望落去份量唔多, 不过可能因为系黑松露汁, 所以食吓食吓都几饱肚。🍴糖渍橙柳红茶 & 糖渍苹果绿茶饮品随Lunch set 附送, 本来见到糖渍呢2个字系有d 担心会好甜, 不过好彩系自己谂多咗。橙柳红茶好香橙味, 苹果绿茶就系淡淡嘅绿茶。整体服务, 食品饮品都好好, 值得再去嘅地方。