Lagom Kaffe (已結業)

前排黎观塘海滨啲写字楼见完客，就search下附近有咩好餐厅同女朋友食饭。我见呢间喺同一栋商厦嘅Lagom Kaffe评价几好，就一于试下啦！呢度环境好阔落，座位好多，所以唔会担心好迫。食物选择颇多，听店员介绍呢度嘅义大利粉几多人叫，所以就选了两份义大利粉，分别系软壳蟹义大利粉同埋黑松露带子义大利粉。两份义粉嘅份量都颇多，卖相吸引，而且攞上黎嘅时候热辣辣。软壳蟹义大利粉辣辣地好惹味，而且啲软壳蟹炸得好香好脆。至于黑松露带子义粉嘅纪廉好浓好creamy，三粒带子都好大粒，而且鲜味十足。餐厅门口有个好大嘅甜品柜，里面嘅蛋糕都好吸引，所以我地就忍唔住叫左一件柚子cheese cake同埋Opera cake。两件蛋糕都唔会太甜，而且造型唔错，唯独比较细件，唔够喉呀！总结：呢度食物质素颇高，环境舒适，值得推荐！