小時光 (已結業)

小时光系观塘嘅台式cafe，卖点系旧式台湾学校既感觉，入面装饰好特别同有心思。餐厅食物选择多，今次就试左夜市香酥鸡便当同埋番茄牛肉面，味道都几好，最重要系食得出有心机，值得推荐。夜市香酥鸡便当嘅鸡扒🍗非常大，新鲜炸起非常松脆，肉质好嫩滑，调味用上左香料胡椒盐，食落系盐酥鸡味道，好有夜市嘅感觉。番茄牛肉面🍅🍜嘅汤底偏淡，但都食得出用左新鲜蕃茄，牛肉亦都几大块，食落好入味。我最钟意嘅都系饮品美禄恐龙，冰冻嘅美禄加上大量嘅美禄粉，仲系用可爱嘅beaker装住，简单但好饮。