蛋哥 (已結業)

在观塘返工好幸福，因为总系可以揾到平靓正嘅餐厅！呢日就喺观塘工业区揾到一间又抵食又坐得耐，服务又周到嘅餐厅~蛋哥！蛋哥，顾名思义，主打蛋料理。店内环境好阔落，坐得舒服！餐牌选择多样化，价钱合理抵食，整体味道唔错！流心蛋包饭（$68）估唔到有日本剖开式嘅蛋包饭，上枱时真系吓亲咗，因为真系超大份！！！滑蛋好嫩滑，仲保留蛋汁添！底下嘅日式酱油炒饭都好足料，有鸡肉、火腿、椰菜丝等等，炒得干身唔油腻，味道丰富，食得劲饱！整体非常抵食！椒盐猪扒（$30 ）餐厅另一招牌，同平时食开嘅椒盐猪扒唔系好一样，佢系猪扒上面加咗秘制嘅酱汁，食落有少少似中式面豉酱。猪扒比较薄身，但味道都ok，肉质软腍唔会太干。