Bubble Tree (成業工業大廈)

营业中

休息中

呢间餐厅之前我都食过几次，价钱合理，食物质素亦都非常唔错；呢排咁岩约咗朋友去观塘见面，朋友未食过呢间餐厅，就带佢去试下。餐厅平时都好多人食，食之前最好都系喺openrice book定位。🥣 罗勒蕃茄汤蕃茄汤味道酸酸甜甜，非常开胃，好适合食主菜之前饮。🍔 山贼黑椒烧鸡扒烟肉汉堡 配炸薯条及沙律个汉堡包一上台就已经俾佢嘅份量吓亲，份量非常多，鸡肉亦都非常厚肉同juicy；平时食汉堡包最惊会好dry，呢个汉堡包完全唔dry，鸡肉嘅酱料同配料都好多，而面包都有烘过，口感外脆内软。🍚 芝士蕃茄肉酱烩意大利饭(混合猪肉及鸡肉）佢嘅味道同平时食开嘅肉酱意粉无咩分别，有好浓嘅蕃茄同芝士味，而意大利饭嘅硬度软硬适中，酱汁嘅份量亦都非常多，味道酸酸甜甜，非常开胃。🍨 玉桂苹果烤批配雪糕玉桂苹果烤批外皮非常松脆，仲附送一球云呢拿雪糕; 平时食玉桂苹果批都好惊会好甜，但呢个嘅甜度岩岩好。🫖 芦荟香橙冰红茶（冻）呢杯红茶都几吸睛，红茶同橙汁嘅味道都非常夹，好适合解腻，芦荟嘅份量都几多。