魔膳廚房 (已結業)

呢个位于观塘工厦嘅魔膳厨房之前已经同老婆食过一次，晚餐价钱相宜而且质素唔错，系FACEBOOK见到呢度新推出左花艺甜品，卖相非常吸引，今晚收工系地铁站JOIN埋老婆一齐去试下。😙魔膳厨房虽然系工厦入面，不过非常近地铁站，由观塘地铁站B2出口一出行两步就到，餐厅装修好符合店名主题，门面感觉有少少似电影入面嘅魔幻森林，餐厅面积好大，楼底好高，墙身挂了多幅有趣动物挂画，时尚又有格调。中间位置摆放左自助沙律BAR，但由于餐厅面积大，而且座位宽阔，整体感觉好舒适。👍除左普通晚餐SET之外，另有5款优惠晚餐选择，价钱由$98至$168，包括餐汤、餐包、主菜同餐饮，我地点左两个优惠晚餐，另外当然加左花艺甜品晚后食啦。餐汤我地拣左一个杂菜汤、一个忌廉汤，味道正常，不过唔算好突出，反而热腾腾嘅餐包皮脆之余又松软。西班牙火腿虾球扁意粉 $128西班牙风干火腿我地就食得多，用黎煮意粉嘅火腿我地都系第一次食，火腿软腍多汁而且油香都好丰富，扁意粉富有弹性，配上微辣嘅调味，味道清爽醒胃。😋美国酱烧BBQ猪肋骨 $138呢个猪肋骨我地已经系第二次食，肉质鲜嫩，而且好大份，两个人SHARE都好够食，呢个价钱相当超值。