The BASE (已結業)

今日同男朋友拣左间工厦西餐食个brunch，门面企理干净，仲整得几靓。可以系门口睇下岩唔岩食先入去，我地好快已经揾到我地想食既野。<炙烧烟三文鱼配黑松露宾尼迪蛋，法式牛油多士，$85>egg benedict都几好味，法式多士好香脆。配上烟三文鱼、蛋同杂菇，再加上蛋黄酱同少少黑松露点缀。<德国式烤焗牛油班戟 海盐焦糖野莓味配云尼拿雪糕，$88>烤焗牛油班戟味道不错，加上用焗盘上，够哂热辣辣。唯一美中不足系佢有轻微肉桂味，我本身唔钟意肉桂味，所以我就麻麻地。不过男友就好钟意，食哂成个班戟。<法式芒果茶>由茶包冲既法式芒果茶，有淡淡既芒果香，不错！<冻特浓朱古力>呢杯朱古力好特别，我觉得浓度可以自行调教，想要浓郁啲可以搅匀啲，想淡味啲就唔好搅咁匀。我就钟意浓啲，搅到好匀，饮到底都唔会有粉感，好味。加上佢杯朱古力个卖相都好靓，绝对系打卡必备。