掌壽司 (已結業)

好耐无去过观塘食饭，怕咗佢夜晚人山人海。但今晚去观塘工厂大厦食日本料理，就记得返佢可爱之处。地方宽敞舒适，更有空间放置艺术摆设，令晚餐体验更精致。今晚叫咗个精选二人套餐。首先系木瓜沙律配南瓜酱，颜色七彩缤纷，少少辣。套餐包括刺身盛六点，有拖罗、三文鱼腩、帆立贝、赤虾、秋刀鱼等等。寿司盛三点，有小肌、油甘鱼、碎葱吞拿鱼寿司，同𩽾𩾌鱼肝。𩽾𩾌鱼肝入口即化，但鱼肝鲜味却逗留喺口腔内，令享受延续。跟住系盐烧花鱼，寿喜烧锅物，分别有澳洲M9和牛同北海道豚肉，最后系一个精致嘅水果拼盘。今晚环境靓，食物质素高，非常圆满。