御膳

营业中

休息中

同长辈聚餐，最稳阵都系食中菜，朋友介绍呢间，就黎试下。龙趸骨杂菌豆腐汤用鱼骨熬汤，鱼汤味浓。卤水鹅卤水味突出，鹅肉肥瘦适中。麻辣卤水拼盘有牛肚、猪肠、鸡丝、青瓜，麻辣味都唔错。芝士花龙虾配脆面龙虾新鲜，肉质弹牙，脆面炸得唔错，够脆但唔会油腻。蒜蓉粉丝蒸蛏子皇蛏子都几大只。金银蒜蒸龙趸腩将生蒜同炸蒜加埋一齐蒸，更将龙趸鲜味突出。士多啤梨骨肉既部分都多，酸酸甜甜，配饭一流。上汤浸时菜简左西兰花，清清淡淡唔错。蟹油银芽炒面炒面色水唔错，味道正常，镬气都够。