TORIO喫茶部 (已結業)

观塘就好多隐藏喺工厦既美食既，今次同朋友黎开呢头就揾返间工厦cafe食个lunch。之前见过介绍，望落感觉都几阔落几好坐，咁啱卡位比人坐哂，我同朋友就坐喺比较近门口既位置。我哋叫左Torio招牌青苹红茶咖喱饭、东洋温泉玉子长鳗鱼饭、Caramel Latte同埋糖渍柳橙红茶。门外面既招牌。Torio招牌青苹红茶咖喱饭︰咖喱带少少甜味，几好食，足料，牛肋肉劲腍而且好食，但系唔太食得出青苹红茶味。糖渍柳橙红茶︰同普通红茶相比，入口带有少少甜味。Caramel Latte︰甜甜地既焦糖味令咖啡更易入口，但系又唔会完全盖过咖啡既苦味，唔错。东洋温泉玉子长鳗鱼饭︰一上菜就闻到木鱼既香味，鳗鱼都几大条，肉质几肥美，d汁都好正，捞饭一流最后见隔黎枱既鸡蛋布丁好大份好吸引，我哋都叫左。鸡蛋布丁香滑，几好食。美中不足就系上面呢粒车厘子，可能系浸过糖水，甜味太突出，可以话系有d假，抢走左车厘子本身既味道。布丁好食，但系上面粒车厘子就麻麻。总括黎讲呢间楼上cafe既装修几靓，行复古风，都几好坐。食物都唔错，值得一试。