Plato Cafe & Bistro (裕民坊YM²)

今日放假，约朋友去食late lunch chill吓。朋友介绍嚟到裕民坊Plato cafe，佢话呢度啲set lunch性价比好高，仲有甜品打卡。呢度嘅set lunch包咗沙律或者餐汤，主菜同埋一杯热饮，仲可以追加小食同埋甜品。我哋两个人都拣咗田园沙律，有蕃茄仔，青瓜同埋沙律菜，以黑醋汁调味，清新爽口。澳洲肉眼牛扒$148 牛扒有得拣薯菜，意粉或者饭，我哋拣咗薯菜。牛扒拣咗五成熟，火候控制得好好，大大块，煎得好香，入边呈现粉嫩粉红色，肉质唔错，配红酒肉汁，呢个价钱冇投诉。薯菜有香脆炸薯条，烧豆角同埋蕃茄仔。西西里海虾意大利饭$78呢个饭无论卖相同埋味道都有惊喜，蕃茄味香浓加香蒜味，个饭好Creamy，啲海虾有四只，每只都大只，爽口弹牙。牛角窝夫配雪糕$38我哋追加咗一个甜品share。摆盘靓靓，粉红色忌廉加上玫瑰花瓣仲有啲朱古力酱。牛角窝夫新鲜热辣，超级香脆松软，配埋香滑忌廉同埋云呢拿雪糕一齐食，仲有少少枫糖味的脆米，邪恶又好味。餐饮方面我拣咗热柚子茶，仲有块柠檬响入边。朋友加咗$8要咗expresso Macchiato 。大家叹住饮品同甜品慢慢坐吓过咗个开心嘅下午。