Be Leaf (已結業)

朋友近来转到观塘返工，所以间中都会过观塘等佢收工一齐食饭，观塘除咗出名塞车其实有好多饮饮食食好地方，今日就嚟到呢间波希米亚风格西餐厅，餐厅有多个靓靓打卡位，亦有室外座位适合唔同人须要，以木枱及木藤椅为主，感觉舒服。 烧椒酱风味炭烤牛舌牛舌烤到好软熟，烧椒酱有一定辣度，食落辣得嚟好香。香茅蒜香泰式炸鸡翼香茅同蒜香好夹，鸡翼炸得好香脆，点泰式酸甜汁更惹味。香浓蟹膏双色意大利面配手拆松叶蟹肉刺身级带子意大利粉由黑白两色混合，松叶蟹肉份量足好鲜蟹味，带子质素高鲜甜嫩滑。饮品有陈皮洛神花茶，好香陈皮味道，洛神花微微酸味非常消滞。Ocean Paradise Soda小甜清新，颜色醒神。Be Leaf 环境优雅舒适，食物用心烹调美味，系休闲打卡用餐嘅好地方。