ねずみの王冠 喫茶店

营业中

休息中

炸粟米片喺任何日本餐厅都好少见，所以见到就即刻叫尼试。等于钟意食粟米嘅人来讲佢真系炸得唔错，但系佢上面落既粉太多搞到好咸。如果叫嘅话下次可以叫店员落少啲粉，味道就可能会适中d。炒饭就普通，有明太子味但系都系偏咸。呢杯士多啤梨沙冰就有啲惊喜，佢唔系平时好人造𠮶啲果汁味，而系好似真系用新鲜士多啤梨打出尼而成。值得一试。最后就系呢个炸墨鱼咀。佢系比𠮶个炸粟米更加咸，佢上面应该落咗好多嘅系日式调味粉，食完一两粒已经觉得好颈渴，而且好油。呢个觉得一般整体食物质素其实都可以嘅，只不过系调味方面就太咸啦。最后店员见我哋有食净，都有问我地觉得好唔好食，最后俾咗个九折我哋。其实系调味方面做好啲，呢间舖头都系一间可以试嘅小店。