小火焰韓式咖啡廳 (觀點中心) (已結業)

做完运动约咗朋友仔食lunch ，拣左小火焰，因为就脚同埋见到都有唔少学生OL黎帮衬，最重要系近mrt站，系apm出口，向牛头角方向行两三分钟就到。试左Bang bang 薯条🍟，呢个小食绝对值得推荐嘅，因为芝士酱好好食，而且即叫即炸，好难得我地食到最后d 薯条都仲系脆嘅，冇淋到，我个拣饮择食个嘴刁既fd都大赞。甜品我就拣左炉板烧布朗尼，上到枱个样都几靓，好打卡able ，因为旧brownie 下面有个炉仔，细火咁warm 住，暖暖哋好食，吾会㶶。上面嘅雪糕就preset 左云呢拿口味，冇得拣，不过就要快啲食，唔系有火温住好快就溶。另外，我地仲叫左个蛋卷，份量吾少，材料丰富，有蛋有紫菜有蟹籽，蛋够moist有蛋味，蟹籽份量都吾少，中间仲有少少饭，够饱肚，哈。外卖自取仲有折，下次试下先。