Go Inside Kitchen (已結業)

今晚系观塘一人晚餐，拣左个有dinner set既地方。呢度系间社企餐厅，就系工厦入面，有室内位又有户外位，仲有只唐狗添。呢度餐牌一目了然，价钱都唔算平，胜在有齐餐汤、沙律、蒜蓉包、主菜、餐饮、甜品。我仲加$68要多4只芝士焗蚝。餐汤系杂菜汤，蔬菜几足料，味道酸甜开胃。蒜蓉法包热辣辣，配餐汤够晒正。沙律拣左巴马火腿蜜瓜沙律配无花果黑醋。份量几大，木瓜鲜甜。主菜拣左芝士焗西西里巴马火腿龙利柳。配薯条。龙利柳几大块，配火腿加芝士所以味道就比较咸，薯条酥脆，份量几多。饮品拣左是日特饮柚子茶，加左一次水都仲还有味。最后系甜品，拣左朱古力布朗尼，够晒重朱古力味。