影片
更多
2024-10-11
298 浏览
话说最近发现六両三开左观塘店，出埋火锅套餐好似几吸引咁，呢晚趁男朋友收工就捉左佢陪我去试，野食水准仍然咁高质，性价比好高，新店装修仲花左唔小心思，墙身有靓靓油画，又挂上灯笼，几有台湾特色，仲要坐得好舒服。❀一人一锅超值套餐❀可以自选肉类，会再有丸子拼盘、杂菜盘+主食。肉类拣左美国Prime牛颈脊，有适量油花，肉质鲜嫩爽滑，牛肉味浓郁，薄薄地咁好快渌熟。杂菜盘有粟米、蕃茄、金针菇等等，令到个汤底特别鲜甜。另外仲加左蛋饺，肉馅用上新鲜猪肉包，好有鲜味，饺子皮加入蛋汁，蛋味香浓。❀红烧牛肉面❀汤头味道浓郁，牛肉大大块又软腍，煮到好入味，面条都几有咬口，呢个面嘅份量都几多，食完都饱饱地。❀皮蛋豆腐❀有少少溏心嘅皮蛋配上冻豆腐，再淋上甜甜地嘅台式酱汁及木鱼片，系好好味嘅消暑小食。❀咸酥鸡❀细细粒咁样，炸浆唔系好厚，食落好香口又惹味。❀桂蜜躺雪山❀跟餐加$28就可以食到，见平平地就试吓，芋圆够晒Q弹又烟韧，仙草滑溜，配埋甜甜地嘅红豆，正。❀台式饮品❀饮品可以拣甜度同埋走冰，款式都几多，冬瓜茶同埋杞子桂花物都系甜甜地咁。
出埋火锅套餐好似几吸引咁，
呢晚趁男朋友收工就捉左佢陪我去试，
野食水准仍然咁高质，性价比好高，
新店装修仲花左唔小心思，
墙身有靓靓油画，又挂上灯笼，
几有台湾特色，仲要坐得好舒服。
❀一人一锅超值套餐❀
可以自选肉类，
会再有丸子拼盘、杂菜盘+主食。
肉类拣左美国Prime牛颈脊，
有适量油花，肉质鲜嫩爽滑，
牛肉味浓郁，薄薄地咁好快渌熟。
杂菜盘有粟米、蕃茄、金针菇等等，
令到个汤底特别鲜甜。
另外仲加左蛋饺，
肉馅用上新鲜猪肉包，好有鲜味，
饺子皮加入蛋汁，蛋味香浓。
❀红烧牛肉面❀
汤头味道浓郁，牛肉大大块又软腍，
煮到好入味，面条都几有咬口，
呢个面嘅份量都几多，食完都饱饱地。
❀皮蛋豆腐❀
有少少溏心嘅皮蛋配上冻豆腐，
再淋上甜甜地嘅台式酱汁及木鱼片，
系好好味嘅消暑小食。
❀咸酥鸡❀
细细粒咁样，炸浆唔系好厚，
食落好香口又惹味。
❀桂蜜躺雪山❀
跟餐加$28就可以食到，
见平平地就试吓，
芋圆够晒Q弹又烟韧，
仙草滑溜，配埋甜甜地嘅红豆，正。
❀台式饮品❀
饮品可以拣甜度同埋走冰，
款式都几多，
冬瓜茶同埋杞子桂花物都系甜甜地咁。
张贴
