丼瀛 (已結業)

观塘一向不乏美食，而性价比高同环境唔错嘅餐厅就少之又少😤，今次要介绍嘅日式餐厅俾大家，水准唔错又有心机💛，包你食过返寻味😛！🍣丼瀛特上筑地寿司杯（$268）寿司杯包括有赤虾🦐、三文鱼腩、芥辣八爪鱼🐙、吞拿鱼蓉🐟、帆立贝、松叶蟹🦀、海胆同埋三文鱼籽，寿司杯足料又新鲜😋，其中三文鱼籽同海胆非常有鲜味😍，鱼生亦无筋，啖啖肉食到好饱，非常有份量🥳！🍣碎三文鱼松叶蟹肉卷（$68）一共四件嘅卷物，蟹肉鲜甜，三文鱼肥美，食上嚟非常满足，值得推荐！🐟三文鱼头连鲛（$68）无谂过喺呢度都有三文鱼头食😉，外皮烧得香脆，肉都鲜嫩🤣。🍗山椒唐扬鸡翼（$28）鸡翼炸得香脆，少少椒盐粉已经好够味☺️，食落肉都好多汁😆。🍤软壳蟹天妇罗（$58）软壳蟹味道都好鲜甜😆，不过略嫌有少少细只🥺。