Lagom Kaffe (已結業)

今次介绍嘅嘢系一间心水cafe，离观塘地铁站约10分钟路程。餐厅环境非常舒适放松，地方好宽敞，枱同枱之间距离都适中，而且仲有户外座位可以坐，可以带埋宠物过嚟。最特别系佢唔设定用餐时间限制，价钱亦都合理。而佢采用QR code点餐，食物上得好快，所以最好叫甜品后上，用餐速度就啱啱好。因为最近都减紧肥，所以我就叫咗沙律——生酮烧牛柳同牛油果南瓜鸡蛋沙律。牛柳烧得外脆内嫩，好多汁，加上牛油果奶油味，真系好味。南瓜鸡蛋沙律都好吸引，南瓜甜甜地，加埋蛋丝，食落好滋味。入边仲有几款生果，最特别系加咗啲士多啤梨片，食落有少少清甜，配埋沙律酱都几特别。朋友就叫咗佢哋𠮶个，罗勒叶蕃茄牛肉温泉蛋意粉，意粉滑嫩可口（有吸到好多酱），牛肉粒鲜美多汁。蕃茄酱汁浓郁，同意粉完美结合。温泉蛋加左之后，蛋黄慢慢流出，丰富咗个口感层次！呢间cafe一定要试佢嘅招牌甜品 - Tiramisu！份量真系好足，两个女仔分食一齐都够。佢嘅Tiramisu有好多香浓嘅Mascarpone芝士，同埋Lady Finger浸得好入味，啲咖啡香气好吸引。虽然酒味唔太突出，但整体味道真系好满足。同埋真系大件夹抵食！又超级足料