秋意 (成業工業大廈)

营业中

休息中

听朋友介绍观塘有间食豉油鸡好出名嘅餐厅，秋意，今日特登约埋佢一齐去我地叫咗一份秋意去骨豉油鸡，一碗酸菜鱼面，我哋两人一人加咗一只酒酿糖心蛋，然后再嗌咗两样小食，香辣莲藕角同埋芝麻酱伴油麦菜。饮品就叫咗自家制嘅罗汉果低糖菊花茶，同埋无糖嘅白桃乌龙茶。去骨豉油鸡，真系呢间舖头嘅招牌菜，口感嫩滑，豉油腌得入味，但唔会觉得好咸，拿捏得啱啱好。酸菜鱼面亦都好足料，汤底唔错，好开胃。酒酿糖心蛋都食得出有少少酒味，容易入口。然后小食都几高质，最钟意佢个香辣莲藕角，切到一口size所以食落都唔会太辣，几惹味。整体嚟讲嘢食几高质，如果想食成只鸡嘅话要早啲去，我哋晚市去到嘅时候已经所剩无己，劲抢手，留返下次有机会再试。