燒肉の牛太・本陣 (創紀之城五期(apm))

营业中

休息中

最近发现咗个午餐抵食之选，喺观塘APM入面嘅日式烧肉店烧肉の牛太・本阵有几个好抵嘅lunch set。有个周末得闲就同朋友去试，星期六日个抵食set都冇额外收费，仲有半自助餐式沙律吧，上菜之前可以夹一碗沙律当前菜，食完真系又满足又饱肚。午市烧肉Combo定食 $139呢个定食可以拣一款烧肉、主食同饮品。今次拣咗上级板腱肉，肉质结实，有嚼劲，配埋烧肉汁好好食。怕腻可以搭啲泡菜同豆芽，系另一阵好味 !主食系迷你辛辣海鲜锅，喷住烟咁上枱，真系新鲜滚热辣。汤底辣辣地好开胃，叫迷你但同样有D海鲜食下~饮品就叫咗乌龙茶。CP值最高午市烧肉定食 $149明明已经好抵食，仲有得俾你拣唔同部位，我今次就选择咗上级牛肋肉。牛肋肉份量都几多，又有配白饭、海带汤同豆芽。牛肋肉口感好嫩滑，又有足够油脂，点一点烧肉汁就好够。🥩食完定食仲可以去自助吧拎甜品，我太饱所以净系食咗两旧泡芙。