普光齋

营业中

休息中

难得观音诞，又可以同阿妈撑枱脚，当然要拣间佢钟意嘅餐厅。佢一向都系普光斋常客，又钟意食佢嘅自助餐，所以就拣左呢间，点知果日系观音诞，无自助餐提供，所以佢都有D失望！之后我地叫左两个点心，碟萝卜糕一上枱，忘记左相机食先，因为系厨房拎出来，所以要D时间煎番香佢，虽则个面有少少焦左，并非厚切，但热辣辣，咬入口见萝卜丝，有d细细粒斋肉，口感都似真。另一点心系腐皮卷，入而有南般条、两条素鸡条同午餐肉条，包到四四方方咁。本人对腐皮卷兴趣真系一般，所以阿妈差不多食晒全部，南瓜都林，而素鸡条味淡，但买相系唔错！之后就叫多碟小炒，豉椒凉瓜腐竹炒河粉，见到咁多颜色，卖相都真系唔错，当然食落都几油，但我明白炒河粉无油，又真系唔会好食得去边。苦瓜我嫌太淡味，无左甘苦味，可能厨师都怕唔系个个都食得，河粉就有D散，唔实净，呢个位就有D失望，味道系可以接受既，只不过有进步空间。最后，就系要讲冷气问题，天口兴食住野都真系几热，餐厅有上、下两层，下面既冷气真系唔够，就算我用餐牌泼扇，都无人理个冷气问题。直到离开上二楼去toilet，点知‥‥‥‥二楼凉到呢，所以下次如果唔系食自助餐，记得要上二楼！