Sky726

疫情有缓和嘅迹象，就可以出返嚟周围食。好耐冇食过西餐有冇得周围去，就去咗旺角附近行吓，食咗一间装修唔错嘅西式餐厅。地点方便，成幢大厦都系林林嘅餐厅。间餐厅位于栋大厦嘅最顶层，景观非常开阳。除咗劲靓嘢食都好正。我哋食咗一个香煎慢煮黄油难伴暖波菜沙律。个黄油鸡系慢煮嘅，所以入口非常嫩滑。黄油鸡的鸡肉控制得恰到好处，唔会太肥腻。有少少黄油又可以带出成只鸡嘅香味。仲要配埋个沙律，食完肉之后配返沙律，就非常之配合。好少食菠菜沙律，呢个菠菜沙律食落非常清新，本身唔系太钟意食菠菜，都忍唔住食多几啖。甜品就食咗个火焰朱古力球。呢个甜品真系啱晒打卡。个朱古力外皮有少少酒精，点你个上嚟就可以慢慢烧慢慢俾你打卡。成件事好有心思。佢重点系，味道方面都控制得好好。唔会太甜，朱古力味又好浓。非常满足。