影片
更多
2011-05-30
590 浏览
Auntie喺某饮食杂志睇倒一编介绍蟹膳既报道，所以就带埋XO仔去试新野。因为想衬未坐满客人既时候影多几幅相，所以当日好早就到左，点知老细之一既Tim好客气地带我地周围睇。闲谈中得知蟹膳系佢同位叫Kelvin既朋友一齐开既，我地去食𠮶日都只系开左四个月倒；佢地另外重有两间喺铜锣湾同大坑专食牛肉既分店。三间舖既牛肉全部都系由仙台黎，日本𠮶边同佢地签左张独家专营权合约。环境卫生：满分非常传统既日式正门，入到去已经可以见倒餐厅既主打，蟹！活生生咁喺个池到玩！餐厅中心系张吧枱，每个位都有一个炉，中间永远都有个人帮客人手。楼上有三间房，分别系比六人，八人，同十人用既；最低消费为六千，八千，同一万（等同一人一千，其实入得黎好容易就过）。地方打理得几干净，而且碗碟摆设都好别致，睇得出佢地花左好多心思。服务：满分餐厅入面全部都系后生仔女，意外地个个都好落力，而且非常友善细心；唔知系咪因为老板喺到既关系呢？见女士们一抽二抽，佢地好自动自觉地攞左几个黑箱黎比大家摆野。我地研究餐牌既时候，佢地都会解答我地既问题，顺便介绍佢地既招牌菜。食物黎到重好有心机地教我地不同既食法。味道：四分 蟹肉豆腐：热食既前菜；微
因为想衬未坐满客人既时候影多几幅相，所以当日好早就到左，点知老细之一既Tim好客气地带我地周围睇。闲谈中得知蟹膳系佢同位叫Kelvin既朋友一齐开既，我地去食𠮶日都只系开左四个月倒；佢地另外重有两间喺铜锣湾同大坑专食牛肉既分店。三间舖既牛肉全部都系由仙台黎，日本𠮶边同佢地签左张独家专营权合约。
环境卫生：满分
非常传统既日式正门，入到去已经可以见倒餐厅既主打，蟹！活生生咁喺个池到玩！
餐厅中心系张吧枱，每个位都有一个炉，中间永远都有个人帮客人手。
楼上有三间房，分别系比六人，八人，同十人用既；最低消费为六千，八千，同一万（等同一人一千，其实入得黎好容易就过）。地方打理得几干净，而且碗碟摆设都好别致，睇得出佢地花左好多心思。
服务：满分餐厅入面全部都系后生仔女，意外地个个都好落力，而且非常友善细心；唔知系咪因为老板喺到既关系呢？见女士们一抽二抽，佢地好自动自觉地攞左几个黑箱黎比大家摆野。我地研究餐牌既时候，佢地都会解答我地既问题，顺便介绍佢地既招牌菜。食物黎到重好有心机地教我地不同既食法。
味道：四分
蟹肉豆腐：热食既前菜；微甜既蟹肉汤同豆腐本身好清淡，所以另外跟左碟紫菜比大家自己加料调咸Ｄ，几得意。
烧鳕场蟹：虽然都食得出蟹既甜味，不过就干左少少，感觉好似有少少“口徒”料啰。（先扣半分）
鳕场蟹天妇罗：虾天妇罗就食得多，鳕场蟹同温泉蛋天妇罗都系第一次食倒，真系食过返寻味呀！虽然经炸过，但系鳕场蟹都能够保持嫩度，第一赞！天妇罗炸得一Ｄ都唔油腻，层粉又够薄，所以好脆好松化，非常香口，第二赞！用绿茶盐作为鳕场蟹既调味料之一，新潮得黎又不失和风味，果然潮得起，第三赞！北海道既温泉蛋都可以造埋流心天妇罗（又名「炸蛋（炸弹）」），配搭新颖，第四赞！（加返被扣𠮶半分）
鳕场蟹火锅：蟹肉鲜甜，唔洗讲野，食野得啦！好够份量既蟹膏就用左黎煲粥。
仙台牛肉火锅：牛肉卖相够哂marble，食落重好软熟，肉味都好浓mmm…不过可以再切薄少少。
蟹肉汤饺子：可能因为之前𠮶几道𩠌实在太精彩，真系食唔出饺子入面既蟹肉味。（又扣返一分）
蟹膏粥：好足料，而且简直系甜到入心呀，无得弹！柚子Sorbet：从未食过咁多柚子肉既柚子Sorbet架，正！
后记：1) 虽然开瓶费为每樽$150，但系酒牌上既酒种类唔多，客人好难唔带自己既酒bor。例如：香槟只系得两款，唔系Dom Pérignon就系Krug，Sake就好似得三款。不过值得一提既系Auntie留意倒Sake牌上居然有一款街都冇得买既「十四代」，听讲话要网上投架。
2) 为保证Ｄ蟹够新鲜，佢地逢星期二四六入货，多客𠮶个礼拜重会入四日添。
3) 普通唔饮酒，如果一人叫一个餐都要成千蚊落楼，感觉可能好贵。不过谂深一层，佢地既材料全部都系日本空运过黎既，鳕场蟹同仙台牛都真系好新鲜，而且食完餐饭大家都好饱，所以觉得价钱其实算合理既。
张贴
