影片
更多
2024-06-09
499 浏览
有时写食评，除咗想同人分享餐厅好唔好食，亦都想作为自己一个记录，下次再去食嘅时候参考返。细细间店舖有几张枱，入去嘅时候主要另外几张枱都系内地客，原本感觉有少少伏。但中年男店员，非常热情，唔知系咪老细，主力推介佢嘅鱼蛋，话系新鲜手打，不过我就对鱼蛋冇兴趣，睇中佢嘅姜葱牛肉，佢都话系新鲜牛肉。早餐$38 ，加𩠌+$8 ，就试咗佢嘅姜葱牛肉+牛筋汤面，热奶茶。共$46喜欢佢另外在𢳂一大匙羹嘅葱，因为我自己好钟意食姜葱。朋友就食咗墨鱼丸汤面，热奶茶，共$38，佢𠮶碗就冇我𠮶碗咁吸引，可能因为冇双拼，而且白雪雪。墨鱼丸嘅味道唔错，我都试咗一粒。值得赞嘅系佢两碗面都会俾咗唔少生菜，面底都够大碗。牛肉真系新鲜货，唔似系用梳打粉腌𠮶个种，牛筋都好食。汤底就比较清淡，但系朋友话冇咁多味精仲好，呢句我认同嘅。佢杯奶茶都唔错。
细细间店舖有几张枱，入去嘅时候主要另外几张枱都系内地客，原本感觉有少少伏。
但中年男店员，非常热情，唔知系咪老细，主力推介佢嘅鱼蛋，话系新鲜手打，不过我就对鱼蛋冇兴趣，睇中佢嘅姜葱牛肉，佢都话系新鲜牛肉。
早餐$38 ，加𩠌+$8 ，就试咗佢嘅姜葱牛肉+牛筋汤面，热奶茶。共$46
喜欢佢另外在𢳂一大匙羹嘅葱，因为我自己好钟意食姜葱。
朋友就食咗墨鱼丸汤面，热奶茶，共$38，佢𠮶碗就冇我𠮶碗咁吸引，可能因为冇双拼，而且白雪雪。墨鱼丸嘅味道唔错，我都试咗一粒。
值得赞嘅系佢两碗面都会俾咗唔少生菜，面底都够大碗。
牛肉真系新鲜货，唔似系用梳打粉腌𠮶个种，牛筋都好食。
汤底就比较清淡，但系朋友话冇咁多味精仲好，呢句我认同嘅。
佢杯奶茶都唔错。
张贴
