SUGAR 甜品屋 (已結業)

记得上一次嚟嘅时候，正值炎夏，揾到我身水身汗，结果食咗佢哋一客椰皇雪山，好味到 ~~~~~~~~~ 今次打算再光顾，以为上次嚟过就一定认得路，信心十足，地图都冇带，点知行到附近，仲系一脸茫然，完全唔记得方位 ... 唔好急，愈急愈衰，行过百乐酒店、味皇 ......... 愈来愈熟悉，喺某个角落位置，仲揾你唔到 ... 似乎系啱啱开舖，一男一女喺度忙住折餐牌，一见有客人，就即刻上前递餐牌 ... 最后，决定要一客梦幻组合 (芝麻雪糕 + 云呢嗱软雪糕 + 红豆 + 凉粉 + 大西米 + 粟米片) ... 果位小姐随即提议我要一份飞碟 + 梦幻组合，加埋都系 $29，比剩要一客梦幻组合($35)来得抵 ... 之不过，我唔多想食飞碟，佢嘅好意，唯有心领 ... 高高嘅一杯甜品，剩系卖相都已经好吸引，雪糕软滑、有烟 un 嘅大粒西米、红豆够稔、凉粉爽口、粟米片香脆，一杯甜品，多重口感，系水准之作 ...食完一杯，仲想嚟多杯椰皇雪山，但都系留待下一次啦 ... 到埋单比钱时，负责收钱嘅果位先生依然系笑容满面，带住第二次良好印象离开，都算唔错 ...