影片
更多
2017-06-29
818 浏览
饮食业选址方向都有少少改变，由以往旺区，可能考虑工厦，甚至系较偏僻嘅位置，靠嘅可能就系口啤，不过只要有水准，食客都唔介意花时间捐窿捐罅去食。位于屏山上璋围嘅一糖最初开嘅时候真系好多人介绍同帮衬呢，虽然我地唔系区内人，但铁路都系几站之隔，所以都系想试之列。上次去屏山食肉饼系打算顺便去埋，结果落狗屎我就急急脚离开，最终拖到而家终于食到了。媒体系又话隐世唔系又话隐世嘅文化下，睇个地址以为几难揾，实际比想像中easy，顶多叫隐蔽啫。西铁落车一出沿途都有店家嘅旗仔指示，露天停车场直入就系，远处仲见到佢地招牌鲤鱼壁画，小平房设计，带室内室外位置，市区真系冇乜可能揾到。店内装潢简约，大玻璃、敞门加上木枱木櫈，位置唔多但唔算逼狭，吸烟或者携带狗狗嘅客人可以坐室外，而且有埋车位，方便驾车人士。正值晚饭时间，客人唔多，食完甜品我都hea左一段时间先离开。餐牌选择丰富，最吸引我嘅当然系紫薯系列，另有梳乎厘、果挞、心太软、窝夫、芭菲、奶冻、奶昔、中式糖水等，定价合理。芒果小丸子 $32讲到芒果同小丸子，脑海不期然就联想到许留山，但佢𠮶种死甜我个人系受唔住，好在呢碗冇呢个问题。芒果份量适中，小丸子系彩色，卖相唔
位于屏山上璋围嘅一糖最初开嘅时候真系好多人介绍同帮衬呢，虽然我地唔系区内人，但铁路都系几站之隔，所以都系想试之列。上次去屏山食肉饼系打算顺便去埋，结果落狗屎我就急急脚离开，最终拖到而家终于食到了。媒体系又话隐世唔系又话隐世嘅文化下，睇个地址以为几难揾，实际比想像中easy，顶多叫隐蔽啫。西铁落车一出沿途都有店家嘅旗仔指示，露天停车场直入就系，远处仲见到佢地招牌鲤鱼壁画，小平房设计，带室内室外位置，市区真系冇乜可能揾到。
店内装潢简约，大玻璃、敞门加上木枱木櫈，位置唔多但唔算逼狭，吸烟或者携带狗狗嘅客人可以坐室外，而且有埋车位，方便驾车人士。
正值晚饭时间，客人唔多，食完甜品我都hea左一段时间先离开。
餐牌选择丰富，最吸引我嘅当然系紫薯系列，另有梳乎厘、果挞、心太软、窝夫、芭菲、奶冻、奶昔、中式糖水等，定价合理。
芒果小丸子 $32
讲到芒果同小丸子，脑海不期然就联想到许留山，但佢𠮶种死甜我个人系受唔住，好在呢碗冇呢个问题。
芒果份量适中，小丸子系彩色，卖相唔错。鲜芒果榨成嘅芒果汁稠身，食落清甜，芒果味道唔算好浓郁，果肉厚身有果汁，食落冇渣。
底下有大量珍珠大小嘅西米，腍身但有咬口；小丸子都系糯米粉味，食落唔会实的的，整体合格啦。
芒果小丸子
$32
16 浏览
0 赞好
0 留言
芒果小丸子
$32
10 浏览
0 赞好
0 留言
紫薯窝夫 配曲奇雪糕 $58
紫薯系列标明冲绳直送，供应糖水、窝夫、棉花糖、梳乎厘。
店员话本身系配紫薯糯米糍，但因为卖哂，所以我只能够选雪糕，雪糕共6款口味，包括：薄荷朱古力、芒果、绿茶、曲奇、士多啤梨及朱古力。
窝夫即叫即做，摆盘精美，一共4件，旁边唧有紫薯蓉、紫薯片，比起图片多一点糖霜，所以实物靓啲 (隔离枱啱啱坐低嘅客人都咁讲，哈哈)。
紫薯窝夫 配曲奇雪糕
$58
7 浏览
0 赞好
0 留言
紫薯窝夫 配曲奇雪糕
$58
9 浏览
0 赞好
0 留言
窝夫并唔系烘到硬脆𠮶种，只有边位微脆，里面系软软地，比较惊喜系原来有少量紫薯蓉夹层，所以食落啖啖都有紫薯香，冇斋食窝夫咁dry。
紫薯味道天然唔假，甜度较低，唔会好腻。反而紫薯片做得较甜，配合一齐食刚好。
曲奇雪糕系普通货色，冇乜特别。事后睇番先见到原来抹茶味窝夫系有麻糬馅，有机会再黎会试呢款。
Bailey's心太软 配士多啤梨雪糕 $58
心太软有5款味道，绿茶、朱古力、黑芝麻、榴梿、Bailey's。唔系好多地方有呢种味道，所以拣左呢款，配有杂果、雪糕。
表面焗至脆身，但切开有少少失望，流心度有点弱，酒味都争少少，酒心要再重手啲，因为见其他人点榴梿、绿茶等都好流心。
旁边嘅杂果大方，芒果、奇异果、士多啤梨、火龙果、哈蜜瓜。
Bailey's心太软 配士多啤梨雪糕
$58
15 浏览
0 赞好
0 留言
Bailey's心太软
26 浏览
0 赞好
0 留言
见好多唔好嘅评语都系来自最初开业时，今日一试，相信质素已经稳定落黎。
餐牌：
张贴
