影片
更多
2018-03-23
132 浏览
天气开始转热，但又想去打边炉， 麻辣火锅又嫌太热气上火，朋友就介绍呢间《四季文昌》食海南椰子鸡锅。 海南位于亚热带同热带地区， 盛产椰子树，椰子有助解渴去暑， 最啱就系炎炎夏日去品尝。餐厅嘅装修甚具书卷味，沿住楼梯行两旁有好多嘅书柜， 餐厅装修够晒新净，仲有卡位坐， 边食边倾计就最方便。打边炉最紧要个汤底， 就叫咗个【原味海南椰子文昌鸡锅半只】$128。初时见到汤底以为冇乜特别，只有小小嘅奶白色。 谁知汤底用上咗椰皇同椰青， 味道清甜不特止，仲有好高嘅食疗价值， 忍唔住呷一口， 简直系甜在心头， 非常之清润。【秘制酱汁】 调味碟有新鲜沙姜粒，辣椒粒，海南野生青柑桔。 可以随个人嘅口味，将沙姜粒同辣椒混入酱油， 再按自己喜欢嘅酸度加入柑桔汁。柑桔汁酸酸味味够晒醒胃， 而我觉得鲜沙姜同鲜鸡亦系绝配呢~【海南文昌鸡】文昌鸡出名肉质鲜嫩， 鸡味浓郁。 将鸡件倒入锅里面， 慢火煮七分钟便大功告成， 餐厅还细心地准备咗沙漏俾我哋计时 ， 时间一到，大家都急不及待食到最嫩滑嘅鸡件呢。由于椰子汤底够晒清甜，用黎煮鸡就最能带出鸡嘅鲜味，带点椰香。 大家千祈唔好错过椰青肉，质感嫩滑，又有营养。【极上和牛拼
餐厅嘅装修甚具书卷味，沿住楼梯行两旁有好多嘅书柜， 餐厅装修够晒新净，仲有卡位坐， 边食边倾计就最方便。
打边炉最紧要个汤底， 就叫咗个【原味海南椰子文昌鸡锅半只】$128。初时见到汤底以为冇乜特别，只有小小嘅奶白色。 谁知汤底用上咗椰皇同椰青， 味道清甜不特止，仲有好高嘅食疗价值， 忍唔住呷一口， 简直系甜在心头， 非常之清润。
【秘制酱汁】 调味碟有新鲜沙姜粒，辣椒粒，海南野生青柑桔。 可以随个人嘅口味，将沙姜粒同辣椒混入酱油， 再按自己喜欢嘅酸度加入柑桔汁。柑桔汁酸酸味味够晒醒胃， 而我觉得鲜沙姜同鲜鸡亦系绝配呢~
【海南文昌鸡】文昌鸡出名肉质鲜嫩， 鸡味浓郁。 将鸡件倒入锅里面， 慢火煮七分钟便大功告成， 餐厅还细心地准备咗沙漏俾我哋计时 ， 时间一到，大家都急不及待食到最嫩滑嘅鸡件呢。由于椰子汤底够晒清甜，用黎煮鸡就最能带出鸡嘅鲜味，带点椰香。 大家千祈唔好错过椰青肉，质感嫩滑，又有营养。
【极上和牛拼盘】$398， 呢个拼盘有四款牛，分别系佐贺A5和牛牛肩， 澳洲M9和牛牛肩， 加拿大牛舌粒，同安格斯牛粒。 我最钟意就系两款和牛肩，肥瘦均称，雪花均匀。 A5和牛牛味较重，而M9和牛肉质就够嫩滑。牛舌粒亦相当不俗，够juicy多汁。
【黑松露鲜虾福袋】$88， 平时最钟意食福袋， 因为钟意佢可以吸收汤汁， 而呢个黑松露鲜虾福袋， 绝对能将黑松露嘅香气以及椰子水嘅甜味吸收。里面嘅虾肉同猪肉亦够晒爽口弹牙。
PS, 不过有样嘢要值得留意，就系呢个福袋需要用较多嘅时间去煮，里面嘅馅料先至熟透架~
【紫菜响铃】$48，平时响铃食得多，但加埋紫菜嘅就第一次试，估唔到令人印象难忘。响铃充满豆香，里面嘅紫菜亦能够带出香气， 轻轻滚3秒，就可以食到外软内脆嘅效果啦~
【七彩芝士流心丸】$108，色彩缤纷，令人食指大动。原来每粒丸都绝不采用人造色素，每种颜色都来自天然嘅食材， 就如彩虹七色一样，绿色来自班兰叶，班兰嘅香气渗入墨鱼丸之中。 而黄色同红色嘅丸子更加创新地加入咗士多啤梨同芒果， 食起嚟带点果香非常特别，
估唔到打边炉都可以食到咁正嘅煲仔饭，呢个【腊味芋头煲仔饭】$78，够晒火喉 。煲仔饭用料丰富，有腊肠、腊肉以及芋头粒，饭粒饱满又够干身，而且仲有金黄脆卜卜嘅饭焦添~ 我最钟意就系煲仔饭上面加入大量嘅芫茜葱碎， 捞埋黎食味道简直更上一层楼。
【四季文昌椰青】$42， 呢个文昌椰青够晒冰冻， 而且味道极度清甜， 够晒清润。 而且又够多水， 慢慢饮嘅话一餐晚饭都够饮呢～
夏天想打边炉嘅话， 不妨试下呢个椰子鸡锅，解渴清新又健康。
张贴
