希戈餐廳

营业中

休息中

今餐食ribeye之前真系冇打算写食评，不过食完之后都觉得有必要话个事实比大家知，就系hugo's绝对系严重overrated我叫左焗蚝，法式洋葱汤，sea bass同ribeye。除了牛排，其他一切都几不错，虽然唔系特别好，但是也不过不失。面包系全餐最精彩嘅。食得出系新鲜出炉，garlic bread好香好松软。咁好食嘅面包为晚餐设定左很高的标准，但好明显呢个标准保持唔到。落order果阵我冇被问到要煮几熟，对我黎讲完全ok的，如果厨师知道烹饪食物嘅最佳方法，我会选择信佢。上菜果阵都见到佢煮得好好，medium至medium rare，只系烤左薄薄嘅外层，肉中间部分仍然系鲜红色，但唔系滴血水。我的第一啖已经系噩梦嘅开始。咬唔开，韧，干，完全缺乏牛肉味，完整地描述左呢款HKD 750嘅牛扒。坦白讲，佢煮到好似汤渣咁，煮到好似十成熟咁，又干又硬。牛排冇太多脂肪，所以我希望佢至少系充满牛肉味同有肉汁。但情况当然唔系咁，食完成块牛，个碟干过沙漠。我用左10分钟去食一块好似大家乐牛扒早餐级数嘅野，然后收我七百五十蚊加一。Hugo's历史我唔熟，但系凭呢种食物，Hugo's迟早都会系历史。