皇御園 (已結業)

星期六，全家人齐齐整整去饮茶订咗1:00。吓，去到同讲话未有位要等真系火都嚟埋脆皮鲜虾春卷，应脆嘅脆、应该滑嘅滑、个肠粉豉油调教得好好味。黄桥烧饼普普通通，不过有块板热住，都算有心思。另外见佢转左啲新点心，但系食唔到咁多嘢下次先再试。可能因为都近12月，见佢出咗啲新嘅煲仔菜就梗系要试吓啦。古法炆花锦鳝煲，抵赞足料。虾子柚皮鹅掌，水准以内。甜品叫咗个核桃酥，普普通通啦。门口个经理仲请我哋食糖水，之后佢仲解释返，原来系因为上一台客人订咗11:30有折头嘅枱，系限时90分钟嘅。而因为𠮶台客人唔肯还枱，仲发脾气话要投诉经理冇礼貌。总括嚟讲餐饭都好满意，真系难为了经理。