嘉樂冰廳 (新村街)

营业中

休息中

朝早入荃湾大野, 揾机会黎呢间餐厅试蛋, 睇过之前一d食评, 有d担心呢间餐厅可能只系名牌效应, 十点半到, 已经见到唔少人排队, 原来除左下午茶时段, 朝早都一样多人。坐低即点奄列, 再黎多杯奶茶, 打算食完奄列再谂加唔加其他野。先饮奶茶, 系茶餐厅奶茶, 多奶热滑。见有人点热华田, 都好大杯下, 不过今次饮完奶茶先算。 主角奄列上场, 一黎吓一吓, 一大碟蛋, 再加一个包, 早餐份量够晒, 再配埋杯奶茶做比较, 我谂最少用左三只蛋黎炒。一闻有豉油味, 蛋炒得岩岩好, 好怕食好干既蛋, 而个火腿奄列炒得湿湿地, 岩晒心水, 食落仲有少少蛋浆慢慢流出黎, 入面好多火腿, 而且仲好厚, 火腿相对黎讲比较暖些少, 接受毕竟主角系蛋, 一路食, 送完包之后再有好多, 唔停手食晒, 好满足。