影片
更多
2009-11-10
375 浏览
我不嬲都钟意食呢d小店(即系冇乜分店果d). 味道总系有d分别. 当谭仔变得大路货嘅时候, 巴蜀就变成心中米线首选.以前经过点都冇谂住入. 出面唔吸引. 大大只字食麻辣. 对于我一向觉得'辣'系用黎点缀下食物嘅味道 嘅人.. 又点会无啦啦试得架..年几前阿炳叫我去试下佢之后, 我就觉得佢嘅炸酱系so far 食到最好食嘅一间. 其他炸酱出哂名如 星林居, 谭仔, 麻辣川, 云南风味, 等等 通通都比下去...是次.. 食返我嘅至爱组合.. 炸酱, 腩肉, 萝卜; 要微辣~ 烧鸡翼有香草同麻辣. 虽然食得出唔系完全烧 (即本身整到半熟, 之后烧至全熟 e,g, 叮, 焗, etc), 但烧烤食品配汤米线, 一向都系绝配.虽鸡翼本身不至一绝, 但都皮脆肉嫩兼夹香口, 所以每次总要叫一碟先觉得满足 食食下.. 阿炳指一指墙上张memo, 先知道佢地要搬喇! 搬去大角咀条食街度(埃华街). 家住九龙东, 既然佢搬得远左, 就梗系近近地食多几餐先啦... 到时去到大角咀, 有咁多选择, 真系唔知可唔可以受得住其他诱惑而去食呢个至爱炸酱呀?! P.S. 唔系因为佢搬, 都冇谂住写返呢个食评留念,
以前经过点都冇谂住入. 出面唔吸引. 大大只字食麻辣. 对于我一向觉得'辣'系用黎点缀下食物嘅味道 嘅人.. 又点会无啦啦试得架..
年几前阿炳叫我去试下佢之后, 我就觉得佢嘅炸酱系so far 食到最好食嘅一间. 其他炸酱出哂名如 星林居, 谭仔, 麻辣川, 云南风味, 等等 通通都比下去...
是次.. 食返我嘅至爱组合.. 炸酱, 腩肉, 萝卜; 要微辣~
烧鸡翼有香草同麻辣. 虽然食得出唔系完全烧 (即本身整到半熟, 之后烧至全熟 e,g, 叮, 焗, etc), 但烧烤食品配汤米线, 一向都系绝配.
虽鸡翼本身不至一绝, 但都皮脆肉嫩兼夹香口, 所以每次总要叫一碟先觉得满足
食食下.. 阿炳指一指墙上张memo, 先知道佢地要搬喇! 搬去大角咀条食街度(埃华街).
家住九龙东, 既然佢搬得远左, 就梗系近近地食多几餐先啦... 到时去到大角咀, 有咁多选择, 真系唔知可唔可以受得住其他诱惑而去食呢个至爱炸酱呀?!
P.S. 唔系因为佢搬, 都冇谂住写返呢个食评留念, 哈哈~
张贴