贊和豆品

营业中

休息中

见到$8咁平又无人，行埋去望下食乜。埋到去俾一对父女sip去我前面，唔紧要，我排后面望紧食边款。父女叫咗2样，又叫多样，阿妈又sip埋来，谂咗阵又叫多样，又冻又要热，加姜汁又加糖水，打包完4样嘢。排队嘅人开始多，但有啲排我左边，有啲排我后面。我望到请排队个牌，我就响个牌前，就无理啲乱排嘅人了。3父母女买完行开，个店女人就问我左边后来嘅男人食咩？我话：我排先㗎㖞？男人话：排队呢边，但我俾你先。店员先开口话，要靠墙排队。不过都俾我买先，话我第一次买唔知。多谢哂，我等咗成5分钟，无人出过声，粒声唔出完全无视我。原来唔知你向边排队系西客来的。但公道啲，款款$8，仲可以任加姜汁或桂花糖水，呢款系薏米白果，足料好食，推介大家去，但记得点排队，唔系唔理你㗎。