NEXT Shikaku (裝修中)

作为座银既忠实拥趸，知道佢又开新野其实已经想试好耐! 无奈呢～ 经历过两次未到六点就乜都卖晒既经历其实都有少少灰，今次虽然都系无白汤，但算啦我决定要向现实低头...试下个清汤同沾面咩料先起码（都叫做试咗2/3款既面㗎喇）牡蛎清汤拉面，店员介绍为系比较清淡既一款（算系入门级口味)，以百份百日本牡蛎熬制成清香的高汤，配上牡蛎油及秘制汤汁，充满原始而澎湃既牡蛎鲜香，完全唔系睇落咁淡系几惊喜㖞～配料有虾云吞，一只牡蛎同叉烧。咁好明显个云吞同叉烧都唔系重点嚟既～牡蛎虽然细只但鲜味得很～沾面系由日本知名制面屋独家配方研发出罕见长方形的「平打面」阔身好挂汤，面质滑溜，加入左啲紫苏花除咗靓啲之外食起上嚟仲更加添清新既口味。沾面汤底就无乜配料，得笋丝，小小豚肉同埋一只牡蛎。以蚝酱配上豚骨浓汤制成既汤底比清汤嚟得浓郁同埋口感好 creamy，店员介绍系最浓郁既一款（不过又无我想像中同睇落咁夸张）好啦～试完呢两款，系无失望既。但仍然最希望系下次嚟终于可以食到个牡蛎白汤拉面啦～