影片
更多
2010-11-27
24 浏览
今个星期Papaccino 想带各位Coffeemates去一间几出名既咖啡甜品专门店。但佢并唔系普通o既大型连咖啡锁店，而系吸引到好多作家、导演都会去帮衬o既地方。点解？听讲话贪果度够舒服，气氛好轻松，最岩揾灵感㖞！正啊！Papa 近期要兼顾好多创作既工作，但偏偏最缺乏o既就系灵感，所以话呢，确实好需要有啲新o既元素刺激下个脑啊，于是就同朋友黎左呢家位于太古o既小店，领教下佢既魅力所在。 一坐底，已经觉得个气氛好好，因为人唔多，所以唔会好似平时去咖啡店咁，听到好多人讲野啊、打字啊、大笑啊之类o既声音，取而代之系见到大部分人睇书、睇报纸杂志同戴住Headphone听下歌o既情形，完全唔会嘈到其他人，果然如Epoch自己介绍：「呢度系一个轻松又富趣味o既角落。」Papaccino 更加觉得，呢度仲系一个「充电」既好地方！讲完环境，当然系时候叹下咖啡啦。我同朋友分别点左杯Cappuccino同 Cafe Latte。看啊！师傅既拉花技术果然唔差（驻场师傅系世界咖啡师大赛o既香港代表黎啊），卖相100分！至于味道都好得，有90分啊！点得法？自己黎试下就知啰！ 顺便提下大家，而家 Epoc
正啊！Papa 近期要兼顾好多创作既工作，但偏偏最缺乏o既就系灵感，所以话呢，确实好需要有啲新o既元素刺激下个脑啊，于是就同朋友黎左呢家位于太古o既小店，领教下佢既魅力所在。
一坐底，已经觉得个气氛好好，因为人唔多，所以唔会好似平时去咖啡店咁，听到好多人讲野啊、打字啊、大笑啊之类o既声音，取而代之系见到大部分人睇书、睇报纸杂志同戴住Headphone听下歌o既情形，完全唔会嘈到其他人，果然如Epoch自己介绍：「呢度系一个轻松又富趣味o既角落。」Papaccino 更加觉得，呢度仲系一个「充电」既好地方！
讲完环境，当然系时候叹下咖啡啦。我同朋友分别点左杯Cappuccino同 Cafe Latte。看啊！师傅既拉花技术果然唔差（驻场师傅系世界咖啡师大赛o既香港代表黎啊），卖相100分！至于味道都好得，有90分啊！点得法？自己黎试下就知啰！
顺便提下大家，而家 Epoch 有个特别活动，只要客人叫一杯奶类咖啡，就可以自己亲手拉花，真系有得饮又有得玩，好过瘾啊！不过Papa自知自己无咩艺术天分，所以都系唔献丑啦。
最后，如果大家对饮饮食食有兴趣，可以黎我个Blog 睇下架。
http://hk.myblog.yahoo.com/call-freebreak
张贴
