瓊芳冰廳

营业中

休息中

平时无咩事都唔黎elements, 点知今次黎一黎又开左眼界，琼芳收埋系elements 既G/F个层，虽然系冰室食物，不过衬返超高楼底同埋开扬设计，即使枱与枱之间好密，但亦唔会有局促感。门口有一格系卖蛋挞架！今时今日仲有边间会咁样放系门口？富有怀旧设计感menu, 睇得开心。好 欣赏打开柜桶后见到每格食具都会有标记写返系咩分类，莫非佢地系行「五常法」？🤪🤪🤪点左两个餐加多士，首先黎冰室一定有既红豆🫘冰，啖啖红豆加蓉，甜甜口感加幼滑奶，好正呀🤤🤤🤤啲红豆唔系一粒一粒好硬身个啲，而系一啖啖淋淋地既红豆蓉呀🤤🤤奶茶够哂丝滑，唔错！点左两个常餐，一个潮式沙茶牛肉米+太阳🌞多双肠多士，一个现场烧制叉烧汤意粉+炒蛋火腿多士。叉烧唔知系咪坚即场烧制，不过厚度适中，口感易咬，咬开亦有汤汁沟肉汁咁流出。沙茶牛肉够哂味，但不致于重口味，绝对系茶记必有既味道。汤底够哂味，搭米粉食健康少少。 最后点左个马来三叔公咖吔多士，厚切鲜牛油真系唔讲得少，反而咖吔味唔够，不过胜在多士焗得外脆内软，热热多士夹住冰冻牛油已经补救返。