影片
更多
2023-08-27
2193 浏览
今次食呢间 Nha Trang , 佢哋个 pho dac biet (粉特别，即系有牛肉牛丸牛𦟌𠮶碗汤河) 个汤底好正，河粉亦系用新鲜河粉，够滑，另外叫咗𠮶紫苏叶牛肉卷，又系好食。闻到隔篱枱有个蟹肉酱汤底嘅粉(响新加坡食过, 叫做bun rieu) 又系好香。讲真呢间越南餐厅质素系高嘅，但系奇怪地响openrice 评分唔系好高，响Google 就更低。反而好多年前，响澳洲返嚟去过尖咀另一间好评如潮嘅越南餐厅，我食完之后，厚道啲就讲觉得佢嘅用料同味道都系好好好好好一般，真心话系根本𠮶间餐厅系垃圾劣食，汤底好明显唔足料，求其加啲鱼露整到有咸味就算，河粉又用低质嘅产品。自此食过so called 好食嘅越南餐都系垃圾质素，都唔系想再响香港食越南菜。唔知系唔系其实好多香港人由细到大都出街只系食中餐同快餐店为主，好少食其他菜式嘅餐厅，或者会觉得唔似粤菜/中菜味道嘅菜式，就接受唔到，觉得唔好食。我自己细细个读小学开始，屋企成日带我哋出街食东南亚餐厅 (母亲大人好钟意食越南同泰国菜，以及各国料理，仲之每个weekend 就好平均地乜餐都食，唔会话大部份时间都食中餐)，之后又响好多越南人定居嘅A
讲真呢间越南餐厅质素系高嘅，但系奇怪地响openrice 评分唔系好高，响Google 就更低。
反而好多年前，响澳洲返嚟去过尖咀另一间好评如潮嘅越南餐厅，我食完之后，厚道啲就讲觉得佢嘅用料同味道都系好好好好好一般，真心话系根本𠮶间餐厅系垃圾劣食，汤底好明显唔足料，求其加啲鱼露整到有咸味就算，河粉又用低质嘅产品。自此食过so called 好食嘅越南餐都系垃圾质素，都唔系想再响香港食越南菜。
唔知系唔系其实好多香港人由细到大都出街只系食中餐同快餐店为主，好少食其他菜式嘅餐厅，或者会觉得唔似粤菜/中菜味道嘅菜式，就接受唔到，觉得唔好食。
我自己细细个读小学开始，屋企成日带我哋出街食东南亚餐厅 (母亲大人好钟意食越南同泰国菜，以及各国料理，仲之每个weekend 就好平均地乜餐都食，唔会话大部份时间都食中餐)，之后又响好多越南人定居嘅Adelaide读书，亦响好多越南人住嘅新加坡做十几年嘢，我响呢两个地方都成日去啲越南人开而越南客人又占全部客人百份之九十以上嘅越南餐厅食饭，我绝对相信我比大部份香港人更识品尝越南菜嘅味道。
张贴