影片
更多
2024-06-19
662 浏览
钟意食牛嘅应该都会听过呢间餐厅，一直都系一开放预约就爆满，真系好难book，近日朋友终于book到，终于可以试吓有冇名过于实🤨Menu系厨师发办，分$680同$880两种，$880套餐除咗肉类之外都系任添，仲可以任饮house red，white wine同prosecco🍷由于我哋唔太想饮酒就拣咗$680套餐，有得free flow 汤、沙律、薯条同甜品。▫️芝士麻辣牛肉挞芝士加上麻辣牛肉呢个组合几特别，不过芝士味唔太岀。▫️樱花虾炒芝麻沙律 用芝麻酱同柚子醋整成嘅酱汁，面头再加入樱花虾同芝麻，食落几fresh但会有啲咸。▫️虾籽大地鱼汤 店员会先卖关子，睇吓我哋饮唔饮得出系咩汤。一入口好重虾味，仲以为系虾蓉汤，饮多几啖先有少少鱼腥味。Refill完饮咗2碗，成个口都系鱼嘅鲜味，唔钟意鱼腥味嘅应该顶唔顺😆▫️牛扒到成餐嘅重点‼️一共会有三块唔同种类嘅牛扒，每日都唔同。当日分别有澳洲和牛、纽西兰和牛同南非和牛，三款咁啱都系和牛，油脂感重啲🐮🇦🇺澳洲和牛油脂感最重，肉质亦系三款入面最软腍。🇳🇿纽西兰和牛有咬口但唔韧，肉味香浓，点埋原粒芥末籽同岩盐可以将成个牛味带岀嚟，自己就最钟意呢款☺️🇿🇦南非和牛
Menu系厨师发办，分$680同$880两种，$880套餐除咗肉类之外都系任添，仲可以任饮house red，white wine同prosecco🍷由于我哋唔太想饮酒就拣咗$680套餐，有得free flow 汤、沙律、薯条同甜品。
▫️芝士麻辣牛肉挞
芝士加上麻辣牛肉呢个组合几特别，不过芝士味唔太岀。
▫️樱花虾炒芝麻沙律
用芝麻酱同柚子醋整成嘅酱汁，面头再加入樱花虾同芝麻，食落几fresh但会有啲咸。
▫️虾籽大地鱼汤
店员会先卖关子，睇吓我哋饮唔饮得出系咩汤。一入口好重虾味，仲以为系虾蓉汤，饮多几啖先有少少鱼腥味。Refill完饮咗2碗，成个口都系鱼嘅鲜味，唔钟意鱼腥味嘅应该顶唔顺😆
▫️牛扒
到成餐嘅重点‼️一共会有三块唔同种类嘅牛扒，每日都唔同。当日分别有澳洲和牛、纽西兰和牛同南非和牛，三款咁啱都系和牛，油脂感重啲🐮
🇦🇺澳洲和牛油脂感最重，肉质亦系三款入面最软腍。
🇳🇿纽西兰和牛有咬口但唔韧，肉味香浓，点埋原粒芥末籽同岩盐可以将成个牛味带岀嚟，自己就最钟意呢款☺️
🇿🇦南非和牛肉味几浓，但系就比较韧，而且有一半系全熟嘅状态😂呢个就唔啱我啦
但系份量真系唔大，每人每款牛只系食到大概2块，如果唔系有得任食薯条应该唔会食得饱😂
▫️甜品
正当我哋估甜品会系雪糕呢啲西式甜品嘅时候，嚟到竟然系黑糖花生麻糬😂对我呢个烟靭控简直系喜出望外，黑糖外皮包住超浓厚嘅花生蓉，食落仲有花生粒，口感更加丰富🥜
值得一提自携酒餐厅系免收开瓶费，当日见枱枱都带咗起码2支酒去，而且冇时间限制，唔洗赶交枱，都几啱同亲朋好友去食饭吹水。餐厅成个服务同体验都唔错，几特别，不过主角牛肉嘅份量就比较少，我自己就试过一次就算啦😬
⚠️餐厅只接受现金付款，去之前记得准备定啦
张贴
