柳氏家 (已結業)

当日12:00起身即打去book左14:00两位，食限时一小时既辣炒鸡午餐，lunch时间任食一个钟比食晚餐抵好多，一小时每人HKD88加一，即系每人HKD96.8，准时去到门口冇人等位而且都有几张吉枱，填纸简左要咩味既炒鸡同跟饭/辛辣面就入座，由朋友唔食得辣，所以简左一只辣椒既烤肉味炒鸡跟辛辣面。 入座后第一时间去自助区拎韩食，炸物有:薯条,炸鸡,炸饺子，熟食有:炒粉丝,杂菜炒牛肉,炒年糕，我每样都拎左少少试下，冻柜当然唔少得有泡菜同生菜，饮品柜有各式各样既韩国饮料，可以试哂唔同既味，仲有咖啡机，食饱禁返杯热啡，正吖！甜品有雪糕杯同蛋糕，蜜瓜味雪糕唔错，口感好实。 等左25分钟炒好既烤肉味炒鸡终于到啦，我食得较辣，烤肉味冇太多辣味，我觉得辣啲应该会更好味，熟食系冻既唔够热，熟食看似摆左好耐，炸物食落口已经系硬，食物唔热有点失望，唔热边到好食架🤷🏻‍♂️食少少就好济，整体黎讲炒鸡味道系OK，熟食就真系好一般。