鼎泰豐

营业中

休息中

星期日系沙田整完野就系新城市广场揾下有咩食，屋企人就话想食试下鼎泰丰，餐厅都几大，我地等左大约3个字就可以入座。环境：座位都舒适同阔落，环境都干净。服务态度：因为屋企人唔食辣，我地问可唔可以少辣，waiter就即刻提议担担面同红油抄手既汁另上，服务态度好好，完全冇唔耐烦。食物：我地3个人总共叫左6样野，都唔系话好饱，因为食物既份量偏少，而且味道一般，性价比略低。1. 台式担担捞面 - 花生味重，仲有花生粒，捞面黎讲都算几多汁，即使冇加辣但味道都好香浓2. 虾肉红油抄手 - 每粒都好系两个5蚊银既大细，但佢个汁几特别几香同甜甜地但一啲都唔辣，之后仲用佢黎点小笼包都唔错3. 原味小笼包、鸡肉小笼包、丝瓜虾仁小笼包 （每笼6只）- 全部小笼包皮薄多汁👍🏻咁多只黎讲原味比较好，肉味浓。鸡肉果只就肉比较实；丝瓜虾仁就冇咩特别，一定要点醋食至有味。4. 荔芋小笼包 - 虽然有少少甜，但芋蓉好香滑，系其他地方亦食唔到呢款小笼包，所以值得一试。 总括而言，呢间可试一次就够，食物质素都可以，但略嫌份量有啲细，呢个价钱黎讲唔太值。