老闆娘雲南米線

营业中

休息中

同朋友好耐无见，佢话呢间出名就嚟试下，都知要等位但无谂过情况会咁痴线😂6点左右到条队已经由门口拉到出熟食档嘅外面楼梯下面，时间越耐条队越长，最后条队应该排到落地下神唔出奇。排到去入座嘅时候系7点27分，店员话入讨咗低凉下冷气，野食要等，有两间大房，我行入去第二间，但经过第一间时候见到仲有好多人都未食就知唔荒会快😂到最后我同朋友有得食嘅时候系8点13分，足足等咗2个钟头有多。佢如果唔系个场算干净冷气又足，可以舒服咁等真系人都癫，但野饮只有入去前叫你拣嘅饮品，水/茶都无杯，基本上除咗冷气无野蚀比你。碗米线系够大嘅，我个𩠌拣咗肥牛，但啲肥牛浸到熟哂同硬咗，朋友食虫草花汤，系几特别同好味，但个反斗虾胶豆卜就普普通通，只虾好细粒，成粒咁大都系酥炸个层，名过其实；至于炸鸡球正常论都唔会唔好食。系几好味嘅，$60几蚊又唔系贵，但又唔需要吹捧得咁犀利搞到等成2个钟头，抵食比2星系因为等待时间同用餐时间唔成正比。